सकाळी साडेनऊ ते सायंकाळी पाच वाजेपर्यंत आंतर वर्ग प्रशिक्षण देण्यात येते . त्यामध्ये सविस्तर अभ्यासक्रम तयार करण्यात आलेला आहे . सदर आंतर वर्ग प्रशिक्षणामध्ये गुप्तवार्ता मिळवणे, नवनवीन कॉन्टॅक्ट प्रस्थापित करणे याबाबतचे मार्गदर्शन वरिष्ठ पोलिस अधिकाऱ्याकडून करण्यात येणार आहे. शरीरा विरुद्ध व मालमत्ते विरुद्ध चे गंभीर गुन्हे न्यायालयात निर्दोष का सुटतात याबाबत ची न्याय निर्णयाचा अभ्यास करून, कारणमीमांसा करून सदर गुन्ह्याच्या तपासात राहून गेलेल्या त्रुटी परत होणार नाहीत याबाबत प्रशिक्षणार्थींना माहिती देऊन तपासाचा गुणात्मक दर्जा वाढविण्यासाठी प्रयत्न केला जातो. तसेच आर्थिक गुन्हे, महिला व लहान मुलांच्या बाबतीत घडणाऱ्या गुन्ह्यांचा उत्कृष्ट तपास कसा करावा याबाबत माहिती देऊन सदर विषयावरील न्यायालयातून निर्दोष सुटलेल्या न्याय निर्णयावर प्रशिक्षणामध्ये चर्चा करण्यात येते . सदर प्रशिक्षणामध्ये CCTNS, AMBIS प्रणाली, सायबर क्राईम, कायदा व सुव्यवस्थेचे प्रश्न हाताळणे, प्रतिबंधात्मक कारवाई ,पोलीस स्टेशन मॅनेजमेंट, संवाद कौशल्य, आरोपीकडे विचारपूस करण्याचे कौशल्य ,मीडिया मॅनेजमेंट, ई-लर्निंग, पोलीस कोठडीतील मृत्यू ,फायनान्शियल मॅनेजमेंट, अशा विविधांगी विषयावर पोलिस अधिकाऱ्यांना संबंधित क्षेत्रातील तज्ञ व्यक्तीकडून मार्गदर्शन करण्यात येणार आहे एकंदरीत पोलिस अधिकाऱ्याची व्यवसायिक गुणवत्ता वाढविण्याच्या दृष्टीने माननीय पोलीस महासंचालक महाराष्ट्र राज्य मुंबई यांच्या संकल्पनेतून हे प्रशिक्षण सत्र सुरू करण्यात आलेले आहे. सत्र क्रमांक एक च्या यशस्वी आयोजन आनंतर महाराष्ट्र पोलीस दलातील उर्वरित पोलिस अधिकाऱ्यांना टप्प्याटप्प्याने सदरचे दोन आठवड्याचे प्रशिक्षण देण्यात येणार आहे. सदर प्रशिक्षणात मधुन प्रशिक्षणार्थी ची व्यावसायिक गुणवत्ता वाढविण्याच्या दृष्टीने प्रशिक्षणादरम्यान निश्चित करण्यात आलेल्या विषयांमध्ये तज्ञ असलेल्या व्यक्तीकडून हे प्रशिक्षण देण्यात येत आहे.